11:18 AM სიყვარულის გაკვეთილები | |
| თინეიჯერული
განცდები როცა ჯერ კიდევ თინეიჯერი ხარ და ყველა პრობლემას ბევრად მარტივად აღიქვამ, ვიდრე უფროსები, ცხოვრებაც უფრო მარტივია. თუმცა პირველივე გულისტკენა და იმედგაცრუება, რომელიც საყვარელ ადამიანს უკავშირდება, ბევრად ღრმა კვალს ტოვებს. ამ პერიოდში გვიყვარს რომანტიკული ფილმების ნახვა და ასეთივე წიგნების კითხვა. მოკლედ, ელოდები ნამდვილ, პირველ სიყვარულს (განსაკუთრებით რომანტიკულები გოგონები არიან). გიჩნდება ბუნებრივი კითხვა, როგორი გოგონები მოსწონთ ბიჭებს და როგორი ბიჭები მოსწონთ გოგონებს? როგორი გოგონები მოსწონთ ბიჭებს? ამის ზოგადი ფორმულა არ არსებობს, თუმცა ზოგიერთ მონაცემს მაინც გავეცანით, სხვადასხვა ინტერნეტფორუმს გადავხედეთ და ასეთი შედეგი მივიღეთ: ბიჭების დიდი ნაწილისთვის მნიშვნელოვანია გოგოს როგორც გარეგნული სილამაზე და მიმზიდველობა, ასევე ჭკუა და განათლება. ბევრ ბიჭს მოსწონს, როცა გოგოს გრძელი თმა აქვს, თუმცა შეყვარებულის ჩაცმულობას, გოგონებისგან განსხვავებით, დეტალურად იშვიათად აკვირდებიან და შეიძლება ისიც კი დაავიწყდეთ, რა ეცვა მათ რჩეულს პირველ პაემანზე. ბიჭებს უყვართ, როდესაც გოგონები ენდობიან და ერთგვარ თავისუფლებას აძლევენ. თინეიჯერი გოგო მხიარული და ხალისიანი უნდა იყოს, თუმცა თუ რომელიმე ბიჭს ''კისერზე ჩამოეკიდები'', მაშინ ის სერიოზულად აღარასდროს აღგიქვამს. შავგვრემანი თუ ქერა? ამ კითხვაზე კონკრეტული პასუხი არ არსებობს და რა თქმა უნდა, ეს კონკრეტული პიროვნების გემოვნების საკითხია. როგორი ბიჭები მოსწონთ გოგონებს? რამდენიმე წლის წინ გოგონებში ე.წ. ''ძველი ბიჭები" სარგებლობდნენ პოპულარობით, თუმცა ახლა მათი დიდი ნაწილი განათლებულ ბიჭებს აქცევს ყურადღებას. თინეიჯერებში განსაკუთრებით პოპულარულნი არიან სპორტსმენი (ფეხბურთელი, კალათბურთელი, წყალბურთელი, ჩოგბურთელი) ბიჭები. ყველა გოგოსთვის დიდი მნიშვნელობა აქვს ყურადღებას. თუ შეყვარებულს ყოველდღე 15 მესიჯს მაინც არ გაუგზავნი, დიდი შანსია იფიქროს, რომ აღარ გიყვარს. ხშირად გოგონები თავს იფასებენ, თუმცა მაინც ძალიან სიამოვნებთ საჩუქრები და ყურადღება შეყვარებულისგან. თუკი მხიარული იქნები და სიურპრიზების გაკეთება გეყვარება, მაშინ მას კიდევ უფრო შეუყვარდები. ყველა გოგო ხომ ეძებს თავისი ოცნების გმირს, რომლებსაც ნანახი ფილმებიდან ქმნის. რაც შეეხება გარეგნობას, ამის რეცეპტიც არ არსებობს, თუმცა თუ ყოველდღე ივარჯიშებ, ბევრად უკეთესი იქნება. იდეალური შეყვარებული ბევრი გოგო ხშირად ქმნის იდეალებს. ოცნებაში თეთრ ცხენზე ამხედრებულ რაინდს ხატავს და მერე რეალურ ცხოვრებაში იწყებს მის ძიებას. გოგონებო, ნუ გეწყინებათ, ძიებას აზრი თითქმის არ აქვს, დიდი შანსია, რომ ვერასდროს იპოვოთ. ხშირია ისეთი შემთხვევა, როცა იდეალისგან რადიკალურად განსხვავებული პიროვნება უყვარდებათ. მოკლედ, მთავარია "გულმა გული იცნოს". | |
|
| |
| სულ კომენტარები: 0 | |