Lorem ipsum dolor sit amet consectetur
მთავარი » 2011 » ივლისი » 31 » თუმცა წამსვლელი იყო რჩეული
2:25 PM
თუმცა წამსვლელი იყო რჩეული
თუმცა წამსვლელი იყო რჩეული,
წავიდა, იქცა ნაფეხურებად,
დავხუჭავ თვალს და თვალს მოჩვეული
მომავლის ჩრდილი წამეხურება.

ვზი ფიქრის ჭაში, ჭიდან ამომსვლელს
არც ალტერ ეგო, არც მე არ ვგავართ,
მერამდენეჯერ ვიცვლი სამოსელს,
მაგრამ რატომღაც ისევ აქა ვარ.

რას ნიშნავს ღამის რეჩიტატივი,
შეგრძნება, თითქმის მუდამ ცალკე ვარ,
რთულია ის, რაც არის მარტივი
და სიმარტივის მინდა გარკვევა.

გამოღწეული ყოფის ნაგვიდან
თანდათან ვერწყმი დღეებს საუფლოს,
ვდგები, ვშორდები საწერ მაგიდას
და ვცდილობ ფიქრში გაგესაუბრო.

კატეგორია: ლექსები♥ | ნანახია: 750 | დაამატა: admin | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]
Vestibulum nec ultrices diam, a feugiat lectus. Pellentesque eu sodales enim, nec consequat velit. Proin ullamcorper nibh nec malesuada iaculis. Donec pulvinar ipsum ac tellus ornare, quis vulputate lectus volutpat.