♥ ℒℴѵℯ ♥ - 22 თებერვალში 2012 - ლექსები.ჩანახატები.პოეზია.
შაბათი, 2016-12-10, 6:04 AM
მოგესალმები უცხო მოყმე | RSS

...

მთავარი » 2012 » თებერვალი » 22 » ♥ ℒℴѵℯ ♥
10:16 PM
♥ ℒℴѵℯ ♥
ნუ გამაღვიძებ... 
ჯერ ბოლომდე აცალე ფრენა 
ცხენის ჭიხვინით შეშფოთებულ, 
აფრენილ სიტყვებს, 
გათენებამდე ო რამდენი 
სიზმარი რჩება - 
სადაც სიჩუმე 
შემოდგომის ტკივილებს იტევს... 
გათენებამდე 
ალბათ ისევ, მოვა სიმღერა, 
გიტარის სიმებს ახლეჩილი 
ძველი ლოცვებით, 
და ესმერალდაც აცეკვდება 
ისე უეცრად - 
რომ ყველა დარდი 
გაიშლება კაბის ფოჩებით. 
ჭიქა ღვინო და 
გაცრეცილი გრიფელის დაფა, 
სასმელს სიმღერებს აყოლებენ 
მთვრალი ბოშები 
ვიღაც მკითხაობს, 
გაბრუებულ კლიენტებს ალბათ 
ცდილობს დასტყუოს - 
შერჩენილი, ბოლო გროშები. 
წამო, 
ცხოვრებას მოვახვიოთ 
დილამდე ფარდა 
ღამეც ისეთი სულმოკლეა 
ვერ დაენდობი, 
დღეს ყველაფერი ადვილია 
სიცოცხლის გარდა, 
მარტო სიკვდილთან თამაშითღა 
თუ გაერთობი. 
ჰო, 
მოიცადე, 
გათენება ისევ შორსაა, 
ჯერ არ გასცლია ჰორიზონტსაც 
მუქი ფერები, 
ეხლა ისეთი სიშორეა 
ჩვენს შორის ლანდად 
მხოლოდ გაქცეულ 
აჩრდილებს თუ მოეფერები 
ჰოდა... 
აცადე, 
ჯერ ბოლომდე აცადე ფრენა - 
ცხენის ჭიხვინით შეშფოთებულ, 
აფრენილ სიტყვებს, 
გათენებამდე ხომ ამდენი 
სიზმარი რჩება... 
ნუ გამაღვიძებ, 
გევედრები ნუ გამაღვიძებ...
კატეგორია: ლექსები♥ | ნანახია: 277 | დაამატა: თანამედროვეებიი | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]

საიტის მენიუ

შესვლის ფორმა

ძებნა

კალენდარი

«  თებერვალი 2012  »
ორსამოთხხუთპარშაბკვ
  12345
6789101112
13141516171819
20212223242526
272829

ჩვენი გამოკითხვა

Оцените мой сайт
Total of answers: 292

მინი-ჩეთი

200

სტატისტიკა


სულ ონლაინში: 1
სტუმარი: 1
მომხმარებელი: 0