Lorem ipsum dolor sit amet consectetur
მთავარი » 2012 » თებერვალი » 20 » ♥ ℒℴѵℯ ♥
0:10 AM
♥ ℒℴѵℯ ♥
ღამით დავივლი შენი სხეულის უცხო ბილიკებს, 
სახეს შევუშვერ გადარეულ შენს თმათა ჩანჩქერს 
და ნამიანი მაგ ნაკვთების ნაცნობ ღიმილებს 
ჩემი თვალები დაკოცნიან სიმორცხვით ნაფერს.
გადავეშვები ნიკაპიდან შენს მკერდის ზღვაში, 
ცხელი ტუჩებით ავაქაფებ მოვარდნილ ტალღებს 
და სიმხურვალე გადალესილ ცვარიან კანში 
ურჩი თითები დაიპყრობენ შენს იალაღებს. 
გამოვიდარებ ჩაბნელებულ ქუჩათა ცაზე, 
მე წამწამებით გადაგიგვი ყველა ქვაფენილს, 
ეს სიყვარული გამიზრახავს შეგაშრო ტანზე, 
შენ ჩემს სხეულში დაგაძინებ ხელით ჩაფენილს. 
და ნუ იფიქრებ ყველაფერზე, განდევნე ფიქრი! 
დარჩი სულ მარტო ჩემს ერთადერთ აჩემებაში, 
თვალგანაბულმა დაივიწყე ათასი რიდი, 
ათასჯერ რიდი ჩაგვაკვდება ღამის ვნებაში.
კატეგორია: ლექსები♥ | ნანახია: 338 | დაამატა: თანამედროვეებიი | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]
Vestibulum nec ultrices diam, a feugiat lectus. Pellentesque eu sodales enim, nec consequat velit. Proin ullamcorper nibh nec malesuada iaculis. Donec pulvinar ipsum ac tellus ornare, quis vulputate lectus volutpat.